குரூப் 2 தேர்வு: இலவச பயிற்சி வகுப்பு அன்னூரில் செப்டம்பர் 2இல் துவக்கம்

அன்னூரில் அகில பாரதீய வித்யார்த்தி பரிஷத் அமைப்பு சார்பில் குரூப்-2 தேர்வுக்கு இலவச பயிற்சி வகுப்புகள் செப்டம்பர் 2ஆம் தேதி துவங்கப்பட உள்ளது.
தமிழ்நாடு அரசுப் பணியாளர் தேர்வாணையம் நடத்தும் குரூப்-2 தேர்வுக்கு அன்னூரில் உள்ள அகில பாரதீய வித்யார்த்தி பரிஷத் அமைப்பு சார்பில் இலவசப் பயிற்சி வகுப்புகள் நடத்தப்பட உள்ளது. இந்த பயிற்சி வகுப்புகள் அன்னூரில் உள்ள சரவணா கட்டடத்தில் செப்டம்பர்  2ஆம் தேதி (ஞாயிற்றுக்கிழமை) முதல் துவங்க உள்ளது.  
இந்த பயிற்சி வகுப்புக்கள் வாரம்தோறும் ஞாயிற்றுக்கிழமைகளில் காலை 10 மணி முதல் மதியம் 2 மணி வரை நடைபெற உள்ளது.  நவம்பர் 4ஆம் தேதி வரை இந்த பயிற்சி வகுப்புக்கள் நடைபெற உள்ளது. குரூப் -2 தேர்வுக்கு விண்ணப்பித்துள்ள அன்னூர் வட்டத்துக்கு உள்பட்டவர்கள் இதில் கலந்து கொண்டு பயன்பெறலாம்.  
மேலும் விபரங்களுக்கு 98420 44701 என்ற எண்ணில் தொடர்பு கொள்ளலாம் என்று அகில பாரதீய வித்யார்த்தி பரிஷத் அமைப்பு நிர்வாகிகள் தெரிவித்துள்ளனர்.