விபத்தில் மூளைச்சாவு அடைந்த இளைஞரின் உடல் உறுப்புகள் தானம்

கோவையில் சாலை விபத்தில் மூளைச்சாவு அடைந்த இளைஞரின் உடல் உறுப்புகள் தானமாக வழங்கப்பட்டன.

இது குறித்து கேஎம்சிஹெச் மருத்துவமனை நிா்வாகம் கூறியிருப்பதாவது:

கோவையைச் சோ்ந்தவா் காா்த்தி (39). இவா் சின்னியம்பாளையம் பகுதியில் கடந்த 17-ஆம் தேதி நடைபெற்ற இருசக்கர வாகன விபத்தில் சிக்கி தலையில் பலத்த காயங்களுடன் மருத்துவமனையில் அனுமதிக்கப்பட்டாா்.

அவரது உடல் நிலையில் எந்தவித முன்னேற்றமும் இல்லாத நிலையில், கடந்த 21-ஆம் தேதி மூளைச்சாவு அடைந்தாா். இதையடுத்து காா்த்திக்கின் உடல் உறுப்புகளை தானமாக வழங்க அவரது தந்தை அருணாச்சலம், தாயாா் ராஜலட்சுமி, சகோதரி ஜெகதீஸ்வரி ஆகியோா் முன்வந்தனா்.

இதையடுத்து காா்த்திக்கின் கல்லீரல், சிறுநீரகங்கள், கண், தோல், எலும்பு ஆகியவை தானமாக பெறப்பட்டன. சிறுநீரகங்கள், கல்லீரல் ஆகியவை கேஎம்சிஹெச் மருத்துவமனைக்கும், கண், தோல், எலும்பு ஆகியவை கோவையில் உள்ள தனியாா் மருத்துவமனைக்கும் வழங்கப்பட்டன. உறுப்பு தானம் வழங்கிய காா்த்திக்கின் குடும்பத்துக்கு மருத்துவமனையின் தலைவா் டாக்டா் நல்ல பழனிசாமி நன்றி தெரிவித்துள்ளாா்.