மதுவிலக்குப் பிரிவால் பறிமுதல் செய்யப்பட்ட வாகனங்கள் இன்று ஏலம்

மதுவிலக்கு தொடர்பான வழக்குகளில் பறிமுதல் செய்யப்பட்ட வாகனங்கள் வெள்ளிக்கிழமை ஏலம் விடப்படுகிறது.
இதுகுறித்து, மாவட்ட காவல் கண்காணிப்பாளர் அலுவலகம் வெளியிட்ட தகவல்:
ஈரோடு மாவட்டத்தில் மதுவிலக்கு வழக்குகளில் கைப்பற்றப்பட்டு தமிழ்நாடு மதுவிலக்கு சட்டத்தின்படி பறிமுதல் செய்யப்பட்டுள்ள 2 நான்கு சக்கர வாகனங்கள், 14 இருசக்கர வாகனங்கள் என மொத்தம் 16 வாகனங்கள் வெள்ளிக்கிழமை (செப்டம்பர் 7) காலை 10 மணியளவில் ஈரோடு காவல் கண்காணிப்பாளர் அலுவலக வளாகத்தில் பொது ஏலத்தில் விடப்படவுள்ளது.
 வாகனங்களை ஏலம் எடுப்பவர்கள் இருசக்கர வாகனத்துக்கு ரூ. 1,000,  4 சக்கர வாகனத்துக்கு ரூ. 2 ஆயிரமும் ஏலம் விடும் நாளன்று காலை 9 முதல் 10 மணிக்குள் ஈரோடு மாவட்ட கூடுதல் காவல் கண்காணிப்பாளர் மதுவிலக்கு அமல் பிரிவு அலுவலகத்தில் முன் பணம் செலுத்த வேண்டும். முன் பணத் தொகை செலுத்தும் நபர் மட்டும் ஏலத்தில் கலந்துகொள்ள அனுமதிக்கப்படுவர். வாகனத்தை ஏலம் எடுத்தவுடன் ஏலத் தொகை, சரக்கு, சேவை வரி முழுவதையும் செலுத்தி அப்போதே வாகனத்தைப் பெற்றுக் கொள்ள வேண்டும்.
மேலும் விவரங்களுக்கு கூடுதல் காவல் கண்காணிப்பாளர் மதுவிலக்கு அமலாக்கப் பிரிவு அலுவலகத்தை நேரிலும் அல்லது 0424-2268087 என்ற எண்ணிலும் தொடர்பு கொள்ளலாம் எனத் தெரிவிக்கப்பட்டுள்ளது.