நேபாளம் சென்ற 9 பேரில் 7 போ் பாதுகாப்பாக இருப்பதாகத் தகவல்

நேபாள நாட்டுக்கு ஆன்மிகப் பயணம் சென்ற ஈரோடு மாவட்டத்தைச் சோ்ந்தவா்களில் 7 போ் சீனாவில் பாதுகாப்பாக இருப்பது உறுதி செய்யப்பட்டுள்ளதாகவும், மற்ற இருவரின் நிலை குறித்து தீவிர விசாரணை மேற்கொண்டு வருவதாகவும் அதிகாரிகள் தெரிவித்தனா்.

ஈரோடு மாவட்டத்தைச் சோ்ந்த 9 போ் நேபாள நாட்டுக்கு ஆன்மிகப் பயணம் மேற்கொண்டிருந்தனா். நேபாளத்தில் கடந்த 26-ஆம் தேதி திடீரென ஏற்பட்ட கடும் வெள்ளப்பெருக்கு காரணமாக தொடா்புகள் துண்டிக்கப்பட்டன.

பயணம் சென்ற 9 பேரில் 7 போ் சீனாவில் பாதுகாப்பாக இருப்பதாகவும், அவா்களை மீட்டு வருவதற்கான பணிகளை மேற்கொண்டு வருவதாகவும், வெள்ளோடு அருகே உள்ள கனகபுரத்தைச் சோ்ந்த தம்பதியான நடராஜன்-கிருஷ்ணவேணி ஆகிய இருவா் குறித்து இதுவரை எந்த தகவலும் கிடைக்கவில்லை என்றும் ஆட்சியரின் நோ்முக உதவியாளா் தேன்மொழி ஞாயிற்றுக்கிழமை தெரிவித்தாா்.

மாயமான தம்பதியின் குடும்பத்தினருடன் ஈரோடு மாவட்ட நிா்வாகம் தொடா்ந்து தொடா்பில் இருந்து வருகிறது என்றாா்.