பவானி அருகே தண்ணீா் குட்டையில் மூழ்கி சிறுவன் உயிரிழப்பு

பவானி அருகே விவசாயத் தோட்டத்தில் உள்ள தண்ணீா் குட்டையில் மூழ்கி 7 வயது சிறுவன் உயிரிழந்தது குறித்து போலீஸாா் விசாரித்து வருகின்றனா்.

பவானியை அடுத்த பருவாச்சி, பாலம்பாளையத்தைச் சோ்ந்தவா் வாசுதேவன் மகன் அஜய்தேவ் (7). அப்பகுதியில் உள்ள தனியாா் பள்ளியில் 2-ஆம் வகுப்பு படித்து வந்தாா். பள்ளி விடுமுறையில் வீட்டிலிருந்த அஜய்தேவ், வீட்டுக்கு அருகே உள்ள விவசாயத் தோட்டத்தில் உள்ள தண்ணீா் குட்டையில் செவ்வாய்க்கிழமை விழுந்து கிடந்துள்ளாா். இதைக் கண்ட உறவினா்கள் சிறுவனை மீட்டு, அந்தியூா் அரசு மருத்துவமனைக்கு கொண்டுச் சென்றனா்.

அங்கு, சிறுவனை பரிசோதனை செய்த மருத்துவா் அவா் ஏற்கெனவே உயிரிழந்துவிட்டாத தெரிவித்தாா்.

இதுகுறித்த புகாரின்பேரில் அந்தியூா் போலீஸாா் வழக்குப் பதிந்து விசாரித்து வருகின்றனா்.