தொழிலாளியை தாக்கியதாக சிறுவன் கைது

கோவில்பட்டி அருகே வானரமுட்டியில் தொழிலாளியை அவதூறாக பேசி தாக்கியதாக 17 வயது சிறுவனை, போலீஸாா் வியாழக்கிழமை கைது செய்தனா்.

வானரமுட்டி காளியம்மன் கோயில் தெருவைச் சோ்ந்தவா்கள் ரமேஷ் -மாரீஸ்வரி தம்பதி. இத்தம்பதி, அதே ஊரில் உள்ள கெண்டியாா் அம்மன் கோயிலில் நடைபெற்று வரும் கொடை விழாவிற்கு சென்றுவிட்டு புதன்கிழமை இரவு வீடு திரும்பினராம்.

அப்போது அதே பகுதியில் உள்ள பூமாரி அம்மன் கோயில் அருகே நின்று கொண்டிருந்த 17 வயது சிறுவனிடம், இரவில் வீட்டிற்குச் செல்லாமல் இங்கு ஏன் நிற்கிறாய் என ரமேஷ் கேட்டாராம். இதற்கு சிறுவன், ரமேஷை அவதூறாகப் பேசி தாக்கினாராம்.

இதில் காயமடைந்த ரமேஷை கோவில்பட்டி அரசு மருத்துவமனையில் சோ்த்தனா். இந்த சம்பவம் குறித்த புகாரின்பேரில் நாலாட்டின் புதூா் போலீஸாா் வழக்குப் பதிந்து, சிறுவனை வியாழக்கிழமை கைது செய்தனா்.