மு.க.ஸ்டாலின் பிறந்த நாள் விழா

திமுக பொருளாளர் மு.க.ஸ்டாலின் 64-ஆவது பிறந்த நாளையொட்டி, குன்னூர் அருகே நான்சச் சிஎஸ்ஐ பள்ளி மாணவ, மாணவிகளுக்கு இலவச ஸ்வெட்டர் மற்றும் மதிய உணவு வழங்கும் நிகழ்ச்சி வியாழக்கிழமை நடைபெற்றது.

நிகழ்ச்சிக்கு, உலிக்கல் பேரூராட்சி திமுக செயலாளர் முருகபாண்டியன் தலைமை வகித்தார். மாவட்ட துணைச் செயலாளரும், உலிக்கல் பேரூராட்சித் தலைவருமான தமிழ்ச்செல்வன், செயற்குழு உறுப்பினர்கள் சதக்துல்லா, வெங்கடேஷ் ஆகியோர் முன்னிலை வகித்தனர்.

சிறப்பு விருந்தினராக மாவட்டச் செயலாளர் பா.மு.முபாரக் கலந்து கொண்டு பள்ளி மாணவ, மாணவிகளுக்கு ஸ்வெட்டர் மற்றும் மதிய உணவு வழங்கினார்.

இதில், குன்னூர் நகர திமுக செயலாளர் ராமசாமி, நகர்மன்ற உறுப்பினர் பத்மநாபன், எல்பிஎப் பொதுச்செயலாளர் செல்வராஜ் உள்பட பலர் கலந்து கொண்டனர். ஒன்றிய துணைச் செயலாளர் ஜோசப் நன்றி கூறினார்.