ஹெத்தையம்மன் பண்டிகை: நீலகிரிக்கு டிசம்பர் 26 இல் உள்ளூர் விடுமுறை

ஹெத்தையம்மன்  பண்டிகையையொட்டி  நீலகிரி மாவட்டத்துக்கு டிசம்பர் 26 ஆம்தேதி உள்ளூர் விடுமுறை அறிவிக்கப்பட்டுள்ளது. 
இதுதொடர்பாக  மாவட்ட ஆட்சியர் இன்னசென்ட் திவ்யா தெரிவித்துள்ளதாவது:
 ஹெத்தையம்மன் பண்டிகையையொட்டி நீலகிரி மாவட்டத்தில் அனைத்து அரசு அலுவலகங்கள் மற்றும் கல்வி நிறுவனங்களுக்கு டிசம்பர் 26 ஆம்தேதி உள்ளூர் விடுமுறை அறிவிக்கப்படுகிறது.  
இதற்கு பதிலாக  2019 ஜனவரி 5 ஆம்தேதி பணி நாளாக செயல்படும். இந்த விடுமுறை நாள் செலாவணி முறிச்சட்டத்தின்படி வராது என்பதால் உள்ளூர் விடுமுறை அறிவிக்கும்போது மாவட்டத்திலுள்ள கருவூலம் மற்றும் சார்நிலை கருவூலங்கள் அரசுப் பாதுகாப்புக்கான அவசர அலுவல்களை கவனிக்கும் வகையில் குறிப்பிட்ட பணியாளர்களோடு செயல்படும் என ஆட்சியர் தெரிவித்துள்ளார்.