பின்னலாடை கிடங்கில்  தீ

திருப்பூரில் பின்னலாடை கழிவுத் துணி கிடங்கில் புதன்கிழமை ஏற்பட்ட  தீ விபத்தில் பல லட்சம் மதிப்பிலான துணிகள் எரிந்து சேதமானது.
 திருப்பூர், செல்லம் நகர்,  பகவதி அம்மன் கோயில் அருகே சுரேஷ் என்பவர் கடந்த 10 ஆண்டுகளாக பின்னலாடை துணி கிடங்கு  நடத்தி வருகிறார். இந்நிலையில் இக்கிடங்கில் புதன்கிழமை அதிகாலை திடீரென தீ விபத்து ஏற்பட்டுள்ளது. தகவலறிந்து  சம்பவ இடத்துக்கு வந்த தீயணைப்புத் துறையினர் ஒரு மணி நேரம் போராடித் தீயை அணைத்தனர்.  இருப்பினும் பல லட்சம் மதிப்பிலான பின்னலாடை கழிவுத் துணிகள் எரிந்து சேதமாகின. இதுகுறித்து திருப்பூர் வீரபாண்டி போலீஸார் வழக்குப் பதிவு செய்து விசாரிக்கின்றனர்.