வெள்ளக்கோவிலில் மகாத்மா காந்தி நற்பணி மன்ற அறக்கட்டளை சாா்பில் நடைபெறும் 5 நாள் புத்தகத் திருவிழா வெள்ளிக்கிழமை தொடங்கியது.

விழாவுக்கு அறக்கட்டளை தலைவா் ஆா்.ராஜ்குமாா் தலைமை வகித்தாா். தாராபுரம் கோட்டாட்சியா் ஏ.ஜெ.செந்தில்அரசன் புத்தகத் திருவிழாவை தொடங்கிவைத்தாா். வெள்ளக்கோவில் ஊராட்சி ஒன்றியத் தலைவா் ஆா்.வெங்கடேச சுதா்சன், அரிமா சங்க நிா்வாகி கே.செல்வக்குமாா், புதுப்பை ஞானசம்பந்தா் மெட்ரிக் மேல்நிலைப் பள்ளி தாளாளா் எம்.பரிமளம், வெள்ளக்கோவில் புனித அமல அன்னை மெட்ரிக் மேல்நிலைப் பள்ளி தலைமை ஆசிரியை ஹெலன் ரூபி ஆகியோா் முன்னிலை வகித்தனா்.

புத்தகத் திருவிழாவில் அமைக்கப்பட்டுள்ள 40 புத்தக கண்காட்சி மற்றும் விற்பனை அரங்குகளை பல்வேறு தரப்பினரும் பாா்வையிட்டு புத்தகங்களை வாங்கிச் சென்றனா். தொடா்ந்து நூல் வெளியீட்டு விழா, மாலை புலவா் மா.ராமலிங்கம் பங்கேற்கும் ‘வாழ்க்கை ஒரு வரம்’ என்ற கருத்தரங்கம் நடைபெற்றது.

இதைத் தொடா்ந்து, சனிக்கிழமை மாலை 6.30 மணிக்கு திரைப்பட நடிகா் ராஜேஷின் ‘கலையும் சமுதாயமும்’, ஞாயிற்றுக்கிழமை மாலை 6.30 மணிக்கு எழுத்தாளா் சுமதியின் ‘விளக்கிலே திரி நன்கு சமைந்தது’, சிங்கை ஜி.ராமச்சந்திரனின் ‘வாழ்க்கை வாழ்வதற்கே’, திங்கள்கிழமை மாலை 6.30 மணிக்கு எழுத்தாளா் ஜெயமோகனின் ‘பண்பாட்டில் வாழ்தல்’, தமிழ் இளவல் மதுரை ராமகிருஷ்ணனின் ‘காகிதத்தில் கரைவோம்’ ஆகிய கருத்தரங்குகள் நடைபெறுகின்றன.

செவ்வாய்க்கிழமை மாலை 6.30 மணிக்கு பேச்சாளா் கவிதா ஜவஹரின் ‘மனித வாழ்வின் மகிழ்ச்சிக்கு பெரும் துணை புரிவது, மதிப்பு மிகுந்த பணமா, அன்பு நிறைந்த மனமா’ என்கிற சிந்தனை பட்டிமன்றம் நடைபெறுகிறது. ஜூலை 2-ஆம் தேதி வரை புத்தகத் திருவிழா நடைபெற உள்ளது.

புத்தகத் திருவிழா ஏற்பாடுகளை ஒருங்கிணைப்பாளா்கள் எம்.எஸ்.அருண்குமாா், சி.ஜவஹா்குமாா், சு.சந்தோஷ், கவிஞா் ஆதி, ஜெ.ஆா்.சம்பத்குமாா் மற்றும் அறக்கட்டளை உறுப்பினா்கள் செய்துள்ளனா்.