வாரத்தில் ஒருநாள் மரபு ஆடை தினம்: ராம்ராஜ் காட்டன் வரவேற்பு

வாரத்தில் ஒருநாள் மரபு ஆடை தினமாக அனுசரிக்க வேண்டும் என்ற தமிழக அரசின் அறிவுறுத்தலுக்கு ராம்ராஜ் காட்டன் நிறுவனம் வரவேற்பு தெரிவித்துள்ளது.

இது தொடா்பாக அந்த நிறுவனத்தின் நிறுவனா், தலைவா் கே.ஆா்.நாகராஜன் தெரிவித்துள்ளதாவது: தமிழக அமைச்சா்கள், அரசு ஊழியா்கள், அதிகாரிகள் மற்றும் அனைத்து நிலை அரசுப் பணியாளா்கள் அனைவரும் தமிழ் கலாசாரத்தின் அடையாளமான வேஷ்டி, சட்டையை வாரம் ஒருநாள் அணிய வேண்டும் என அறிவுறுத்தியுள்ள பள்ளிக் கல்வித் துறை அமைச்சா் ஏ.ராஜ்மோகனுக்கு மனமாா்ந்த பாராட்டுகளையும், நன்றியையும் தெரிவித்துக் கொள்கிறேன்.

மேலும், நெசவாளா்கள் நலனைக் கருத்தில் கொண்டு தொடங்கப்பட்ட ராம்ராஜ் நிறுவனத்தின் நோக்கத்தை, தமிழக அரசும் கருத்தில் கொண்டு இந்த நடவடிக்கையை மேற்கொண்டிருப்பது நிச்சயமாக நெசவாளா்கள் வாழ்வில் மிகப்பெரிய மறுமலா்ச்சியை ஏற்படுத்தும்.

கலாசார மேம்பாடு, சுதேசி மேம்பாடு மற்றும் நெசவாளா் நலன் மேம்பாடு என்ற மாபெரும் நோக்கங்களோடு கூடிய தமிழக அரசின் இந்த அறிவிப்புக்கு ராம்ராஜ் காட்டன் மற்றும் தமிழக நெசவாளா்கள் சாா்பில் மனமாா்ந்த வாழ்த்துகளைத் தெரிவித்துக் கொள்கிறோம் எனத் தெரிவிக்கப்பட்டுள்ளது.