முகப்பு
திருப்பூர்

திருப்பூா் மாவட்டத்தில் 11 துணை வட்டாட்சியா்கள் பணியிட மாற்றம்

திருப்பூா் மாவட்டத்தில் 11 துணை வட்டாட்சியா்களை பணியிட மாற்றம் செய்து மாவட்ட ஆட்சியா் சி.முத்துக்குமரன் உத்தரவிட்டுள்ளாா்.

7 வினாடிகள் முன்பு
 திருப்பூா் மாவட்டத்தில் 11 துணை வட்டாட்சியா்கள் பணியிட மாற்றம்
பணியிட மாற்றம் - பிரதிப் படம்
பகிர்:

திருப்பூா் மாவட்டத்தில் 11 துணை வட்டாட்சியா்களை பணியிட மாற்றம் செய்து மாவட்ட ஆட்சியா் சி.முத்துக்குமரன் உத்தரவிட்டுள்ளாா்.

இது தொடா்பாக அவா் வெளியிட்டுள்ள செய்திக் குறிப்பு: நீதித் துறை பயிற்சி முடித்து பணியில் சோ்ந்துள்ள அழகேசன், ஆட்சியா் அலுவலக தோ்தல் துணை வட்டாட்சியராகவும், அங்கிருந்த அருள்குமாா் காங்கயம் கிடங்கு உதவி மேலாளராகவும், அங்கு பணிபுரியும் வனிதா அமராவதி கூட்டுறவுச் சா்க்கரை ஆலைக்கும் மாற்றப்பட்டுள்ளனா்.

அமராவதி சா்க்கரை ஆலையில் பணிபுரிந்த வினோத்குமாா், திருப்பூா் கோட்டாட்சியா் அலுவலக மகளிா் உரிமைத் தொகை பிரிவுக்கும், நீதித் துறை பயிற்சி முடித்து திரும்பிய செந்தில்பிரபு, பல்லடம் தலைமையிடத்து துணை வட்டாட்சியராகவும், அங்கிருந்த ராதா தாராபுரம் மண்டல துணை வட்டாட்சியராகவும் நியமிக்கப்பட்டுள்ளனா்.

Advertisement

Advertisement

தாராபுரம் துணை வட்டாட்சியராக இருந்த தேன்மொழி, ஆட்சியா் அலுவலக சமூகப் பாதுகாப்புத் திட்ட தலைமை உதவியாளராகவும், அங்கிருந்த செந்தில்நாதன் பல்லடம் வட்ட வழங்கல் அலுவலராகவும், பிரேமலதா ஆட்சியா் அலுவலக வரவேற்பு பிரிவுக்கும், கிருஷ்ணவேணி தாராபுரம் கோட்டாட்சியா் அலுவலகத்துக்கும் பணியிட மாற்றம் செய்யப்பட்டுள்ளனா்.

மாற்றம் செய்யப்பட்ட துணை வட்டாட்சியா்கள் தங்களுக்கு ஒதுக்கப்பட்ட பணியிடங்களில் உடனடியாக பொறுப்பேற்க வேண்டும் என்று தெரிவிக்கப்பட்டுள்ளது.