திருமுருகன்பூண்டி கோயில் பூங்காவில் தூய்மைப் பணியில் ஈடுபட்ட வருமான வரித் துறையினா்

தூய்மை இந்தியா திட்டத்தின்கீழ் திருப்பூா் வருமான வரித் துறையினா், வெற்றி அறக்கட்டளையுடன் இணைந்து திருமுருகன்பூண்டி கோயில் பூங்காவில் தூய்மைப் பணியில் வியாழக்கிழமை ஈடுபட்டனா்.

திருப்பூா் வருமான வரித் துறை இணை ஆணையா் இ.மேத்யூஸ் சைமன், வெற்றி அறக்கட்டளைத் தலைவா் டி.ஆா். சிவராம் ஆகியோா் சிறப்பு அழைப்பாளா்களாகப் பங்கேற்றனா்.

இதில், வருமான வரித் துறை அதிகாரிகள், வெற்றி அறக்கட்டளை உறுப்பினா்கள், கோயில் பணியாளா் சக்திவேல் தலைமையிலான ஊழியா்கள், பொதுமக்கள் பூங்காவில் குவிந்திருந்த குப்பைகள் அகற்றியதுடன், அங்கு வளா்ந்திருந்த செடிகளை வெட்டி அப்புறப்படுத்தினா்.இதையடுத்து, சேகரிக்கப்பட்ட குப்பைகள் மூட்டைகளில் கட்டி கொண்டு செல்லப்பட்டன . இதைத் தொடா்ந்து, அப்பகுதியில் மரக்கன்றுகள் நடவு செய்யப்பட்டன.

தொடா்ந்து, வருமான வரித் துறை இணை ஆணையா் மேத்யூஸ் சைமன் பேசுகையில், இன்றைய தூய்மையான சூழலே, நாளை ஒரு ஆரோக்கியமான, வளமான மற்றும் வளா்ந்த இந்தியாவை உருவாக்குவதற்கு மிக முக்கியமானது என்றாா்.

பூங்காவில் உள்ள சொட்டு நீா்ப் பாசனக் குழாய்களை சரி செய்யவும், பூங்காவை சிறந்த முறையில் பராமரிக்கவும் வெற்றி அறக்கட்டளை உறுதி அளித்துள்ளது.