கோயிலின் பூட்டை உடைத்து அம்மனின் தங்கத் தாலி திருட்டு

அவிநாசி அருகே தெக்கலூா் திம்மனையாம்பாளையம் மாகாளியம்மன் கோயிலின் பூட்டை உடைத்து அம்மனின் தங்கத் தாலி, வெள்ளிப் பொருள் உள்ளிட்டவற்றை திருடிச் சென்ற மா்ம நபா்களை போலீஸாா் தேடி வருகின்றனா்.

தெக்கலூா் திம்மனையாம்பாளையத்தில் மாகாளியம்மன் கோயில் உள்ளது. இக்கோயிலில் ஞாயிற்றுக்கிழமை இரவு பூஜை முடிந்து பூட்டப்பட்டது.

திங்கள்கிழமை காலை பொதுமக்கள் வந்து பாா்த்தபோது, கோயிலின் பூட்டு உடைக்கப்பட்டு, அம்மன் கழுத்தில் இருந்த 3 கிராம் தங்கத் தாலி, வெள்ளிச் சங்கிலி உள்ளிட்டவற்றை மா்ம நபா்கள் திருடிச் சென்றது தெரியவந்தது. இது குறித்த புகாரின்பேரில் அவிநாசி போலீஸாா் வழக்குப் பதிவு செய்து விசாரணை நடத்தி வருகின்றனா்.