அரசுப் பள்ளிகளுக்கு 3-ஆம் பருவ புத்தகங்கள் அனுப்பிவைப்பு

தருமபுரி மாவட்டத்தில் உள்ள அரசு பள்ளிகளில் பயிலும் மாணவ, மாணவிகளுக்கு 3-ஆம் பருவ பாடப் புத்தகங்கள் அனுப்பும் பணி ஞாயிற்றுக்கிழமை தொடங்கியது. 
தருமபுரி ஊராட்சியில் உள்ள தொடக்க, நடுநிலை என 136 பள்ளிகளுக்கு பாடப் புத்ககங்கள் அனுப்பும் பணி, தருமபுரி சந்தைப்பேட்டை நடுநிலைப் பள்ளியில் நடைபெற்றது. இந்தப் பணியை வட்டார கல்வி அலுவலர் நடராஜன் பார்வையிட்டார். ஜனவரி 2-ஆம் தேதி மீண்டும் பள்ளி திறக்க உள்ள நிலையில் அன்றே அனைத்து மாணவர்களுக்கும் புத்தகங்கள் வழங்கப்படும். இதன்மூலம் 8,600 மாணவர்கள் பயன் பெறுவர்.