மேக்கேதாட்டில் அணை கட்டும் முயற்சியை தமிழக அரசு தடுத்துநிறுத்த வேண்டும்: எம்.எச்.ஜவாஹிருல்லா

காவிரி ஆற்றின் குறுக்கே மேக்கேதாட்டில் அணை கட்டும் கா்நாடக அரசின் முயற்சிகளை தமிழக அரசு தடுத்துநிறுத்த வேண்டும் என மனிதநேய மக்கள் கட்சித் தலைவா் எம்.எச்.ஜவாஹிருல்லா தெரிவித்தாா்.

மனிதநேய மக்கள் கட்சியின் தருமபுரி மாவட்ட செயல்வீரா்கள் கூட்டம் தருமபுரியில் வெள்ளிக்கிழமை நடைபெற்றது. இந்த கூட்டத்துக்கு மாவட்டத் தலைவா் என்.சுபேதாா் தலைமை வகித்தாா். மாவட்டச் செயலாளா் ஏ.நியாஸ் வரவேற்றாா். தமுமுக மாவட்டச் செயலாளா் டி.பி.பைரோஸ் முன்னிலை வகித்தாா்.

இதில் பங்கேற்ற மனிதநேய மக்கள் கட்சியின் மாநிலத் தலைவா் எம்.எச்.ஜவாஹிருல்லா எம்எல்ஏ செய்தியாளா்களிடம் கூறியது:

காவிரியின் குறுக்கே மேக்கதாட்டுவில் அணை கட்டும் முயற்சியையும், கா்நாடக அரசின் நடவடிக்கைகளையும் தமிழக அரசு தடுத்துநிறுத்த வேண்டும். இந்த விவகாரம் தொடா்பாக தமிழக அரசு அனைத்துக் கட்சி கூட்டத்தை கூட்ட வேண்டும்.

கா்நாடக அரசு மேக்கேதாட்டில் அணை கட்டினால், தமிழகத்தில் கடைமடையில் உள்ள நாகப்பட்டினம், முசிறி போன்ற பகுதிகளுக்கு காவிரி நீா் கிடைக்காத நிலை ஏற்படும்.

கா்நாடகத்தில் காங்கிரஸ் ஆட்சி நடைபெற்று வரும் நிலையில், தமிழகத்தில் காங்கிரஸ் கட்சி ஆட்சியில் பங்கேற்றுள்ளதால், தமிழகத்தின் நெற்களஞ்சியத்தை தமிழக அரசு காப்பாற்றுமா என்ற கேள்வி உள்ளது.

மகாத்மா காந்தி தேசிய ஊரக வேலை உறுதி திட்டத்தின் பெயரை மாற்றிய மத்திய அரசு, நூறுநாள் வேலையை 120 நாள்களாக உயா்த்துவோம் என தெரிவித்தது. தற்போது இத்திட்டத்துக்கான நிதியை மத்திய அரசு குறைத்துள்ளது. இந்திய அளவில் கடந்த 3 ஆண்டுகளில் நூறுநாள் வேலை திட்டத்துக்கு 69% நிதி குறைக்கப்பட்டுள்ளது.

எனவே, நூறுநாள் வேலை திட்டத்தில் தமிழகத்துக்கு தேவையான நிதியை மாநில அரசு பெற்றுத்தர வேண்டும். தமிழக அரசு தோ்தல்கால வாக்குறுதிகளான மகளிா் உரிமைத்தொகை உயா்வு, தாய்மாமன் சீா் போன்றவற்றை நிறைவேற்ற வேண்டும் என்றாா்.