பெண்கள் குறித்து கட்செவி அஞ்சலில் அவதூறு:  கொமதேகவினர் காவல் நிலையத்தில் புகார்

குறிப்பிட்ட சமூக பெண்களை கட்செவி அஞ்சலில் அவதூறாகப் பேசிய இளைஞரை கைது செய்ய வலியுறுத்தி, கொங்குநாடு மக்கள் தேசிய கட்சியினர் காவல் நிலையத்தில் புகார் அளித்தனர்.
ஊத்தங்கரை காவல் நிலையத்தில் அக் கட்சியைச் சேர்ந்த நூற்றுக்கும் மேற்பட்டோர் அளித்த புகார் மனுவில், மாற்று சமூக ஆண், பெண்களை சிலர் அவதூறாகப் பேசி தகவல் அனுப்பி வருகின்றனர். குறிப்பாக இளைஞர் ஒருவர் அனுப்பிய தகவல் அனைவர் மனதையும் பாதித்துள்ளது. எனவே, தகவல் அனுப்பிய இளைஞரை கைது செய்ய வேண்டும் என குறிப்பிட்டுள்ளனர்.
அக் கட்சியின் ஊத்தங்கரை வடக்கு ஒன்றியச் செயலாளர் எஸ்.சரவணன் இப் புகார் மனுவை காவல் அதிகாரியிடம் அளித்தார். மாவட்டச் செயலாளர் வஜ்ஜிரவேல்,  மாவட்ட விவசாய அணிச் செயலாளர் செல்வராஜன் உள்ளிட்டோர் உடனிருந்தனர்.