பாரதிதாசன் பாடல் ஒப்பித்தல் போட்டி

நாமக்கல்லில் நடைபெற்ற பாவேந்தர் பாரதிதாசன் பாடல் ஒப்பித்தல் போட்டியில், அண்ணா அரசு கலைக் கல்லூரி மாணவர் சிறப்பிடம் பெற்றார்.
 நாமக்கல்லில் கிழக்கு மாவட்ட திமுக சார்பில், பாவேந்தர் பாரதிதாசன் பாடல் ஒப்பித்தல் போட்டி அண்மையில் நடைபெற்றது. இப்போட்டியில் நாமக்கல், சேந்தமங்கலம், ராசிபுரம் உள்ளிட்ட பகுதிகளை சேர்ந்த பள்ளி மற்றும் கல்லூரி மாணவ, மாணவியர் சுமார் 400-க்கும் மேற்பட்டோர் பங்கேற்றனர். இதில், கல்லூரி பிரிவில் நாமக்கல் அண்ணா அரசு கல்லூரியை சேர்ந்த இயற்பியல் பிரிவு இரண்டாம் ஆண்டு மாணவர் விக்னேஷ்குமார் இரண்டாம் பரிசாக ரூ.3,000 பெற்றார். பரிசு பெற்ற மாணவர் விக்னேஷ்குமாரை கல்லூரி முதல்வர் (பொ) வசந்தாமணி பரிசு வழங்கி பாராட்டினார். இதில் தமிழ்த் துறைத் தலைவர் நடராஜன், பேராசிரியர்கள் கந்தசாமி, அரசு பரமேஸ்வரன், பாலமுருகன், நல்லுசாமி ஆகியோர் உடனிருந்தனர் .