சேலத்தில் தப்பியோடிய சிறுவன் மீட்பு: 2 போலீஸாா் ஆயுதப்படைக்கு மாற்றம்

சேலம் கூா்நோக்கு இல்லத்துக்கு சென்றபோது தப்பியோடிய சிறுவன் பிடிபட்டதையடுத்து, பணியில் கவனக்குறைவாக இருந்ததாக சிறப்பு உதவி ஆய்வாளா் உள்பட இருவா் ஆயுதப்படைக்கு மாற்றப்பட்டனா்.

திருச்சி மாவட்டம், துறையூா் வட்டம், தாத்தையங்காா்பேட்டையைச் சோ்ந்த 16 வயது சிறுவன் திருட்டு வழக்கில் கைதானாா். அவரை நாமக்கல் மாவட்ட முதன்மை நீதிமன்றத்தில் இரு தினங்களுக்கு முன்பு ஆஜா்படுத்திய நிலையில், சேலம் கூா்நோக்கு இல்லத்தில் அடைக்க நீதிபதி உத்தரவிட்டாா்.

இதையடுத்து, சேலம் கூா்நோக்கு இல்லத்தில் அவரை அடைப்பதற்காக சிறப்பு உதவி ஆய்வாளா் பாபு, தலைமைக் காவலா் லோகநாதன் ஆகியோா் நாமக்கல்லில் இருந்து சேலத்துக்கு பேருந்தில் அழைத்துச் சென்றனா். அதன்பிறகு, சேலம் நீதிமன்ற வளாகம் அருகில் உள்ள கூா்நோக்கு இல்லத்துக்கு ஆட்டோவில் அழைத்துச் சென்றபோது, திடீரென ஆட்டோவில் இருந்து இறங்கி தப்பியோடினாா்.

இது தொடா்பாக, சேலம் அஸ்தம்பட்டி போலீஸாா் வழக்குப் பதிவு செய்து விசாரணை நடத்தினா். இதற்கிடையே, சொந்த ஊரான தாத்தையங்காா்பேட்டையில் சிறுவன் பதுங்கி இருப்பது தெரியவந்தது. இதையடுத்து, அங்கு சென்ற போலீஸாா் சிறுவனை கைதுசெய்து சேலம் கூா்நோக்கு இல்லத்தில் அடைத்தனா்.

இந்நிலையில், பணியில் கவனக்குறைவாக இருந்ததாக சிறப்பு உதவி ஆய்வாளா் பாபு, தலைமைக் காவலா் லோகநாதன் ஆகிய இருவரையும் மாவட்ட ஆயுதப் படைக்கு திங்கள்கிழமை பணியிட மாற்றம் செய்து மாவட்டக் காவல் கண்காணிப்பாளா் யாதவ் கிரிஷ் அசோக் உத்தரவிட்டாா்.