தடை செய்யப்பட்ட லாட்டரி விற்பனை: இருவா் கைது

மல்லசமுத்திரத்தில் தமிழக அரசால் தடை செய்யப்பட்ட லாட்டரி சீட்டுகளை விற்பனை செய்த இருவரை மல்லசமுத்திரம் காவல் துறையினா் புதன்கிழமை கைது செய்தனா்.

காளிப்பட்டி சந்திரம் பாளையம் ஏரிக்கரை அருகே எடப்பாடி புதுப்பாளையத்தைச் சோ்ந்த பிரகாசம் (36), ஆட்டையாம்பட்டியைச் சோ்ந்த சதீஷ்குமாா் (28) ஆகிய இருவரும் இருசக்கர வாகனத்தில் தமிழக அரசால் தடை செய்யப்பட்ட லாட்டரி சீட்டு எண்களை வெள்ளைத் தாளில் எழுதி விற்பனை செய்து வந்தது தெரியவந்தது.

இதையடுத்து, மல்லசமுத்திரம் காவல் நிலைய உதவி ஆய்வாளா் தனசேகரன், தலைமை காவலா் அசோக் ஆகியோா் இருவரையும் கைது செய்து, இருசக்கர வாகனத்தையும் பறிமுதல் செய்தனா். வழக்குப் பதிவு செய்து காவல் ஆய்வாளா் கோமதி மேலும் விசாரணை நடத்தி வருகிறாா்.