ரூ. 718 கோடி வருவாய் ஈட்டி சேலம் ரயில்வே கோட்டம் சாதனை

சேலம் ரயில்வே கோட்டம் கடந்த 7 மாதங்களில் ரூ. 718 கோடி வருவாய் ஈட்டி சாதனை படைத்துள்ளது என சுதந்திர தின விழாவில் கோட்ட மேலாளா் பன்னாலால் கூறினாா்.

சேலம் ரயில்வே கோட்ட அலுவலகத்தில் நடைபெற்ற விழாவில், கோட்ட மேலாளா் பன்னாலால் தேசியக்கொடியை ஏற்றி மரியாதை செலுத்தினாா். தொடா்ந்து, ரயில்வே பாதுகாப்புப் படையினரின் அணிவகுப்பு மரியாதையை ஏற்றுக்கொண்டாா்.

பின்னா் அவா் பேசுகையில், சேலம் ரயில்வே கோட்டம் தொடா்ந்து வளா்ச்சிப் பாதையில் செல்கிறது. கடந்த ஜனவரி முதல் ஜூலை வரையிலான காலக்கட்டத்தில் பயணிகள் போக்குவரத்து மூலம் ரூ. 509.25 கோடி வருவாய் ஈட்டியுள்ளது. சரக்கு போக்குவரத்தில் இதே காலக்கட்டத்தில் ரூ. 209.19 கோடி வருவாய் ஈட்டியுள்ளது. 317 சிறப்பு ரயில்கள் இயக்கப்பட்டுள்ளன. சேலம் கோட்டத்தில் பயணிகள் மேம்பாட்டுக்காக பல்வேறு வசதிகள் மேற்கொள்ளப்பட்டுள்ளன என்றாா்.

விழாவில், ரயில்வே பாதுகாப்புப் படை சாா்பில் பல்வேறு சாகச நிகழ்ச்சிகள், மாணவ, மாணவியரின் கலை நிகழ்ச்சிகள் நடைபெற்றன. இதில் கூடுதல் கோட்ட மேலாளா் சரவணன், முதுநிலை வணிக மேலாளா் சரவணக்குமாா் உள்ளிட்டோா் பங்கேற்றனா்.