வி.பி.எம்.எம். பொறியியல் கல்லூரியில் தொழில்நுட்பக் குழும விழா

ஸ்ரீவில்லிபுத்தூர், அக். 8: கிருஷ்ணன்கோவில், வி.பி.எம்.எம். மகளிர் பொறியியல் கல்லூரியில் மின்னணு மற்றும் தொடர்பியல் துறை சார்பில் தொழில்நுட்பக் குழும விழா நடைபெற்றது.

 விழாவிற்கு கல்வி நிறுவனத் தலைவர் வி.பி.எம்.சங்கர் தலைமை வகித்து குழுமச் சின்னத்தை வெளியிட்டார்.

 பொறியியல் கல்லூரி முதல்வர் எம்.பழனி, கலை மற்றும் அறிவியல் கல்லூரி முதல்வர் பி.சரவணன், ஆங்கிலத் துறைத் தலைவர் பேராசிரியர் சங்கிலிக்காளை, மின்னணு மற்றும் தொடர்பியல் துறைத் தலைவர் எம்.சொர்ண சுகுணா ஆகியோர் வாழ்த்துரை வழங்கினர்.

 25-க்கும் மேற்பட்ட புதிய தொழில்நுட்பக் கருத்துக்கள் மாணவிகளால் சமர்ப்பிக்கப்பட்டன. மாணவிகளின் தனித்திறமையை வெளிப்படுத்தும் பல்வேறு போட்டிகள் நடத்தப்பட்டன.