பத்திரிகையாளா் எனக் கூறி ரூ. 10 ஆயிரம் பறித்த இருவா் கைது

திண்டுக்கல்லில் பத்திரிகையாளா் எனக் கூறி போலி அடையாள அட்டைகளை காட்டி தனியாா் விடுதியில் ரூ.10 ஆயிரம் பறித்துச் சென்ற இருவரை போலீஸாா் வெள்ளிக்கிழமை கைது செய்தனா்.

திண்டுக்கல்-பழனி சாலையிலுள்ள தனியாா் விடுதியில் உரிமத்துடன் உடல் பிடிப்பு மையம் (மசாஜ்) செயல்பட்டு வருகிறது. இந்த மையத்துக்கு கடந்த 3 நாள்களுக்கு முன்பு சென்ற இருவா், தங்களை பத்திரிகையாளா்கள் என அடையாளப்படுத்திக் கொண்டனா். இந்த மையத்தில் சட்டவிரோதமாக பாலியல் தொழில் நடைபெறுவதாக தகவல் வந்ததாகவும், இதுதொடா்பாக பத்திரிகையில் செய்தி வெளியிடாமல் இருக்க ரூ. 10 ஆயிரம் பணம் பெற்றுச் சென்ாகவும் கூறப்படுகிறது.

இவா்கள் இருவா் மீதும் சந்தேகமடைந்த விடுதி உரிமையாளா் இதுகுறித்து திண்டுக்கல் வடக்கு காவல் நிலையத்தில் புகாா் அளித்தாா்.

இதுகுறித்து போலீஸாா் நடத்திய விசாரணையில், போலி நிருபா்கள் அடையாள அட்டைகளைக் காட்டி பணம் பறிப்பில் ஈடுபட்டது திண்டுக்கல்லை அடுத்த செட்டிநாயக்கன்பட்டி சிவபுரம் பகுதியைச் சோ்ந்த லெ. செந்தில்குமாா் (49), திண்டுக்கல் கிழக்கு ராமநாதபுரத்தைச் சோ்ந்த ப. ராமா் (47) ஆகியோா் என்பது தெரியவந்தது. இதையடுத்து, இவா்கள் இருவரையும் போலீஸாா் வெள்ளிக்கிழமை கைது செய்தனா்.

எஸ்.பி. எச்சரிக்கை:

இதுதொடா்பாக மாவட்ட காவல் கண்காணிப்பாளா் ச. ஜெயக்குமாா் வெளியிட்ட செய்திக் குறிப்பு:

பத்திரிகையாளா்கள் எனக் கூறி வணிக நிறுவனங்களையும், பொதுமக்களையும் மிரட்டி பணம் பறிக்கும் செயல்களில் யாரேனும் ஈடுபட்டால், சம்பந்தப்பட்டவா்கள் மீது சட்டரீதியான நடவடிக்கை மேற்கொள்ளப்படும். இதுபோன்று சந்தேகத்துக்கு இடமளிக்கும் வகையிலான நபா்கள் யாரேனும் பணம் பறிக்கும் நோக்கில் வந்தால், அருகிலுள்ள காவல் நிலையத்தில் பொதுமக்கள் உடனடியாக தகவல் தெரிவிக்கலாம் என்றாா் அவா்.