மதுரை - கோலாலம்பூருக்கு விமானம் இயக்கக் கோரிக்கை

மதுரையில் இருந்து கோலாலம்பூர், பாங்காக் உள்ளிட்ட நகரங்களுக்கு விமானம் இயக்கக்கோரி மத்திய விமான போக்குவரத்துத்துறை அமைச்சரிடம் மனு அளிக்கப்பட்டுள்ளது.
மதுரை மக்களவை உறுப்பினர் ஆர். கோபால கிருஷ்ணன், தமிழ்நாடு உணவுப்பொருள் வியாபாரிகள் சங்கத் தலைவர் எஸ்.பி. ஜெயபிரகாசம் , சங்க கௌரவச் செயலர் எஸ்.வி.எஸ்.எஸ். வேல்சங்கர் ஆகியோர் புதுதில்லியில் மத்திய விமானப் போக்குவரத்துத்துறை அமைச்சர் சுரேஷ் பிரபாகர் பிரவுவை சந்தித்து அளித்த மனு விவரம்: மதுரை விமான நிலைய ஓடுபாதையை 7,500 அடியில் இருந்து 12,000 அடியாக நீட்டித்து,  பன்னாட்டு விமான நிலையமாக அறிவிக்க வேண்டும். மதுரையில் இருந்து கோலாலம்பூர், பாங்காக் ஆகிய நகரங்களுக்கு விமானங்கள் இயக்க வேண்டும் என்பன உள்ளிட்ட கோரிக்கைகள் தெரிவிக்கப்பட்டிருந்தன.