பட்டாசு ஆலை வெடி விபத்தில் மேலும் ஒரு தொழிலாளி உயிரிழப்பு: பலி எண்ணிக்கை 20 ஆக உயா்வு

விருதுநகா் மாவட்டம் சாத்தூா் அருகே பட்டாசு ஆலை வெடி விபத்தில் மேலும் ஒருவா் ஞாயிற்றுக்கிழமை உயிரிழந்தாா். இதன் மூலம் இந்த விபத்தில் உயிரிழந்தவா்கள் எண்ணிக்கை 20 ஆக உயா்ந்துள்ளது.

சாத்தூா் அருகே அச்சன்குளத்தில் உள்ள பட்டாசு ஆலையில் கடந்த 12 ஆம் தேதி வெடி விபத்து ஏற்பட்டதில் ஏற்கெனவே 19 போ் உயிரிழந்தனா். பலத்த காயமடைந்த 23 போ் விருதுநகா், தூத்துக்குடி மற்றும் மதுரை மாவட்டங்களில் உள்ள அரசு மருத்துவமனைகளில் அனுமதிக்கப்பட்டனா்.

இதில் தீக்காயங்களுடன் மீட்கப்பட்ட நடுசூரங்குடியைச் சோ்ந்த சுந்தர குருசாமி மனைவி ராஜம்மாள் (55), அமீா்பாளையத்தைச் சோ்ந்த ஜெயராஜ் என்பவரது மகன் வனராஜ் (52), சாத்தூரைச் சோ்ந்த பேச்சிமுத்து மனைவி மாலா (30), கருப்புசாமி மனைவி சந்தானமாரி, கட்டட இடிபாடுகளில் இருந்து மீட்கப்பட்ட ஏழாயிரம் பண்ணையைச் சோ்ந்த சங்கரேஸ்வரி (55) ஆகியோா் மதுரை அரசு ராஜாஜி மருத்துவமனையில் அனுமதிக்கப்பட்டனா்.

இந்த நிலையில் 95 சதவீத தீக்காயங்களுடன் சிகிச்சைப் பெற்று வந்த வனராஜ் ஞாயிற்றுக்கிழமை சிகிச்சைப் பலனின்றி உயிரிழந்தாா். இதையடுத்து பட்டாசு ஆலை விபத்தில் பலியானோா் எண்ணிக்கை 20 ஆக உயா்ந்துள்ளது.