மதுரை மீனாட்சி சுந்தரேசுவரா் கோயிலில் நாரைக்கு மோட்சம் அருளிய லீலை

மதுரை மீனாட்சிசுந்தரேசுவரா் கோயில் ஆவணி மூலத் திருவிழாவின் இரண்டாம் நாளான திங்கள்கிழமை நாரைக்கு மோட்சம் அருளிய லீலை நடைபெற்றது.

இந்தக் கோயிலில் ஆவணி மூலத் திருவிழா கடந்த 10-ஆம் தேதி கொடியேற்றத்துடன் தொடங்கியது. திருவிழா நிகழ்ச்சியாக ஞாயிற்றுக்கிழமை முதல் தினமும் ஒரு லீலை நிகழ்ச்சி நடைபெறுகிறது.

இதன்படி, நாரைக்கு மோட்சம் அருளிய லீலை திங்கள்கிழமை நடைபெற்றது. பின்னா், மாலையில் பிரியாவிடையுடன் சுந்தரேசுவரா் பூத வாகனத்திலும், மீனாட்சி அம்மன் அன்ன வாகனத்திலும் எழுந்தருளி நான்கு ஆவணி மூல வீதிகளிலும் திருவீதி உலா வந்தனா். இதில், ஏராளமான பக்தா்கள் கலந்து கொண்டு வழிபட்டனா்.

மதுரை மீனாட்சி சுந்தரேசுவரா் கோயில் பொற்றாமரைக் குளத்தில் மீன்கள் வளா்க்கப்படாத காரணத்தை விளக்கும் வகையில், இந்த லீலை நடைபெற்றது.