தொண்டியில் மின்கம்பங்கள் சேதம் விபத்து அபாயம்

ராமநாதபுரம் மாவட்டம் தொண்டி பகுதியில் தாழ்வாக செல்லும் மின் கம்பிகளை மாற்றியமைக்கவும்,  சேதமடைந்த மின் கம்பங்களை சீரமைக்கவும் மின்வாரியம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
   தொண்டி எம்ஜிஆர் நகர் பகுதியில் மின் கம்பங்களில் உள்ள மின்கம்பிகள் கைக்கு எட்டும் தூரத்தில் செல்கிறது. ஒவ்வொரு மின் கம்பத்திற்கு அதிக இடைவெளி இருப்பதால் மின்கம்பிகள் தாழ்வாக செல்கிறது. சில மின்கம்பங்களில் சிமெண்ட் காரைகள் பெயர்ந்து விபத்து அபாயம் உள்ளது.  இதனால் இப்பகுதியில் செல்லும் மக்கள் அச்சத்துடன் செல்ல வேண்டிய நிலை உள்ளது.
   இதுகுறித்து மனிதநேய மக்கள் கட்சி மாநிலச் செயலாளர் சகுபர் சாதிக் கூறியது: இப்பகுதியில் பல்வேறு இடங்களில் மின் கம்பங்கள் சேதம் அடைந்துள்ளன.
         மின்கம்பிகள் தாழ்வாக செல்வதாகவும் பல்வேறு புகார்கள் அளித்தும் எந்த நடவடிக்கையும் இல்லை. எனவே மின்வாரியம் விபத்து வரும் முன் தகுந்த நடவடிக்கை எடுக்க வேண்டும் என்றார்.