ராமநாதபுரத்தில் தமிழில்  பெயர்ப் பலகை வைக்காத 25 நிறுவனங்கள் மீது நடவடிக்கை

தமிழில் பெயர்ப் பலகை வைக்காத 25 நிறுவனங்கள் மீது நடவடிக்கை எடுக்கப்பட்டுள்ளதாக ராமநாதபுரம் தொழிலாளர் நல உதவி ஆணையர் க.மலர்விழி தெரிவித்துள்ளார்.
  இது குறித்து அவர்  வியாழக்கிழமை வெளியிட்டுள்ள செய்திக் குறிப்பு: ராமநாதபுரம் மாவட்டத்தில் தமிழ்நாடு கடைகள், நிறுவனங்கள் சட்டம் 1947-இன்படி பெயர்ப் பலகை தமிழில் பிரதானமாகவும், முதன்மையாகவும் வைக்காத நிறுவனங்களில் அந்தந்தப் பகுதி தொழிலாளர் நல உதவி ஆய்வாளர்களால் வியாழக்கிழமை ஆய்வு செய்யப்பட்டது. இதன்படி பெயர்ப்பலகை தமிழில் வைக்காத 25 நிறுவனங்களின் மீது நடவடிக்கை எடுக்கப்பட்டுள்ளது என அதில் தெரிவிக்கப்பட்டுள்ளது.