ஜனநாயக வாலிபர்  சங்க பேரவைக் கூட்டம்

சிவகங்கை மாவட்டம் மானாமதுரையில் இந்திய ஜனநாயக வாலிபர் சங்கத்தின் ஒன்றிய பேரவைக் கூட்டம் புதன்கிழமை நடைபெற்றது. 
இக்கூட்டத்துக்கு சங்கத்தின் ஒன்றியச் செயலாளர் வெங்கட்ராமன் தலைமை வகித்தார். மானாமதுரை ஒன்றியம் மேலப்பசலை ஊராட்சி வான்புரம் கிராமத்திற்கு  ஊராட்சி ஒன்றிய நிர்வாகம்  குடிநீர் வசதி செய்து தர வேண்டும். மானாமதுரை வைகையாற்று மேம்பாலத்தின் கைப்பிடிச் சுவர்களில் உள்ள இடைவெளியை அசம்பாவிதம் ஏற்படும் முன்பு சீரமைக்க நெடுஞ்சாலைத்துறை நிர்வாகம் நடவடிக்கை எடுக்க வேண்டும் என இக் கூட்டத்தில் தீர்மானங்கள் நிறைவேற்றப்பட்டன.