பிடியாணைகள் பிறப்பிக்கப்பட்டும் முன்னிலையாகாதவா் கைது

சிவகங்கை மாவட்டம், காரைக்குடியில் 5 வழக்குகளில் பிடியாணை பிறப்பிக்கப்பட்டும் நீதிமன்றத்தில் முன்னிலையாகாதவரை போலீஸாா் சனிக்கிழமை கைது செய்தனா்.

காரைக்குடி வடக்கு காவல் நிலையத்தில் சரித்திரப் பதிவேடு குற்றவாளியான அண்ணாநகரைச் சோ்ந்த முத்துமணி (29) என்பவருக்கு எதிரான 5 வழக்குகளில் பிறப்பிக்கப்பட்ட பிடியாணைகள் நிலுவையில் இருந்ததையடுத்து வடக்கு காவல் நிலைய போலீஸாரால் தீவிர விசாரணை நடத்தப்பட்டு வந்தது.

இதில் நிலுவையில் இருந்த 5 பிடியாணைகளையும் நிறைவேற்றும் வகையில் போலீஸாா் முத்துமணியை கைது செய்து நீதிமன்றத்தில் முன்னிலைப்படுத்தப்பட்டாா். பிறகு அவா் சிறையில் அடைக்கப்பட்டாா்.

இவரை கைது செய்த காரைக்குடி வடக்கு காவல் நிலைய போலீஸாரை மாவட்ட காவல் கண்காணிப்பாளா் அபிஷேக் குப்தா பாராட்டினாா்.