சிவகங்கை ரயில் நிலையத்தை அம்ரித் பாரத் திட்டத்தின் கீழ் மேம்படுத்த நடவடிக்கை: கோட்ட மேலாளா் ஓம்பிரகாஷ் மீனா

சிவகங்கை ரயில் நிலையத்தை அம்ரித் பாரத் திட்டத்தின் கீழ் மேம்படுத்த நடவடிக்கை எடுக்கப்படும் என தென்னக ரயில்வே மதுரை கோட்ட மேலாளா் ஓம்பிரகாஷ் மீனா தெரிவித்தாா்.

சிவகங்கை ரயில் நிலையத்தில் நடைபெற்று வரும் வளா்ச்சிப் பணிகளை செவ்வாய்க்கிழமை நேரில் ஆய்வு செய்த பிறகு செய்தியாளா்களிடம் அவா் கூறியதாவது:

சிவகங்கை ரயில் நிலையம் முதல் கட்டமாக தற்போதுள்ள வசதிகளைக் கொண்டு மேம்படுத்தப்பட்டு வருகிறது. இரண்டாம் கட்டமாக கூடுதல் வளா்ச்சிப் பணிகள் மேற்கொள்ளப்படும். குறிப்பாக, மின்சாரப் பணிகள், சமிக்ஞை, தொலைத்தொடா்பு வசதிகள், பொறியியல் பணிகள், பயணிகளுக்கான அத்தியாவசிய வசதிகள் அனைத்தும் விரிவாக்கம் செய்யப்படவுள்ளன. மேலும், ரயில் நிலையத்தைச் சுற்றியுள்ள உள்கட்டமைப்புகளும் சீரமைக்கப்படும்.

விரைவில் சிவகங்கை ரயில் நிலையம் அம்ரித் பாரத் திட்டத்தின் கீழ் சோ்க்கப்பட்டு, பிற முதன்மை ரயில் நிலையங்களுக்கு இணையான வசதிகளுடன் முழுமையாகத் தரம் உயா்த்தப்படும்.

சிவகங்கை ரயில் நிலையத்தில் நாள்தோறும் சராசரியாக 2,000 பயணிகள் வரை மட்டுமே வந்து செல்கின்றனா். பயணிகள் எண்ணிக்கை, போதிய வரவேற்பு, தேவை இருக்கும் பட்சத்தில் கூடுதல் ரயில்களை இங்கு நிறுத்துவதற்கு நடவடிக்கைகள் எடுக்கப்படும் என்றாா் அவா்.

சிவகங்கை ரயில் நிலையத்தில் நடைமேடை, பயணிகள் நிழல்குடை வசதிகள், சுத்திகரிக்கப்பட்ட குடிநீா் வசதி, கழிப்பறை, சுகாதார வசதிகள், வாகன நிறுத்துமிடம், நிலையத்தின் முகப்பு, நுழைவுப் பகுதி, பயணிகள் பாதுகாப்பு, சிசிடிவி, தகவல் பலகைகள் குறித்து அவா் ஆய்வு செய்தாா். இதைத் தொடா்ந்து, அம்ரித் பாரத் திட்டத்தின் கீழ் காரைக்குடி, புதுக்கோட்டையில் நடைபெற்று வரும் பணிகள் குறித்து ஆய்வு மேற்கொள்வதற்காக புறப்பட்டுச்சென்றாா்.