காமயகவுண்டன்பட்டியில் மது பாட்டில்கள் விற்பனை: 2 பேர் கைது

காமயகவுண்டன்பட்டியில் மது பாட்டில்களை விற்பனை செய்த 2 பேரை போலீஸார் வியாழக்கிழமை கைது செய்தனர்.
தேனி மாவட்டம் கம்பம் அருகேயுள்ளது காமயகவுண்டன்பட்டி. இங்கு திருட்டுத்தனமாக மது பாட்டில்கள் விற்பனை செய்யப்பபடுவதாக ராயப்பன்பட்டி காவல் நிலையத்திற்கு புகார் வந்தது. சார்பு ஆய்வாளர் முத்துப்பாண்டி தலைமையில் போலீஸார் ரோந்து சென்றனர். 
கிரஷர் சாலையில் செல்லும் போது சாமாண்டிபுரத்தைச் சேர்ந்த மாரியப்பன்(34), காமயகவுண்டன்பட்டியைச் சேர்ந்த கருப்பசாமி(42) ஆகிய இருவரும் மது பாட்டில்களை விற்பனை செய்து கொண்டிருந்தனர். 
போலீஸார் இருவரையும் கைது செய்து, அவர்களிடமிருந்து 65 மது பாட்டில்களை பறிமுதல் செய்தனர்.