பெரியகுளம் அருகே வெறிநாய் கடித்து 6 பேர் காயம்

பெரியகுளம் அருகே புதன்கிழமை வெறிநாய் கடித்ததில் சிறுமிகள் உள்பட 6 பேர் காயமடைந்தனர்.
 வடுகபட்டியில் புதன்கிழமை மாலை தெருவில் சிறுவர், சிறுமிகள் விளையாடிக் கொண்டிருந்தனர். அப்போது அங்கிருந்த வெறிநாய் ஒன்று அவர்களை கடித்தது. இதில் வடுகபட்டியை சேர்ந்த வர்ஷா (5), சத்யா (11), ஸ்ருதிகா (9), ரூபன் (5), பத்ரகாளி (65), கார்த்திக் (1) ஆகியோர் காயமடைந்தனர். இவர்கள் பெரியகுளம் மாவட்ட தலைமை அரசு மருத்துவமனையில் சிகிச்சை பெற்று வீடு திரும்பினர்.
இதையடுத்து பேரூராட்சி நிர்வாகத்தினர் இவர்களை கடித்த வெறிநாயை பிடிக்கும் பணியில் ஈடுபட்டுள்ளனர். மேலும் இப்பகுதியில் அதிக அளவில் சுற்றித் திரியும் வெறி நாய்களை பேரூராட்சி நிர்வாகம் பிடிக்க வேண்டும் எனபொதுமக்கள் கோரிக்கை விடுத்துள்ளனர்.