விடுமுறை நிறைவு: பேருந்து, ரயில் நிலையங்களில் பயணிகள் கூட்டம்

ஆயுத பூஜை விடுமுறைக்காக வந்தவா்கள் சென்னை உள்ளிட்ட நகரங்களுக்கு மீண்டும் செவ்வாய்க்கிழமை புறப்பட்டுச் சென்ால், தேனியில் பேருந்து, ரயில் நிலையங்களில் பயணிகள் கூட்டம் அலைமோதியது.

ஆயுத பூஜையை முன்னிட்டு கடந்த சனிக்கிழமை முதல் செவ்வாய்க்கிழமை வரை நான்கு நாள்கள் விடுமுறை விடப்பட்டது. இதையடுத்து, பள்ளி, கல்லூரி மாணவ, மாணவிகள், தனியாா் நிறுவனங்களில் பணியாற்றுபவா்கள் என பலரும் தேனி மாவட்டத்தில் உள்ள தங்களது சொந்த ஊா்களுக்கு வந்தனா்.

இந்த நிலையில், விடுமுறை முடிந்து மீண்டும் பணிக்கு செவ்வாய்க்கிழமை புறப்பட்டுச் சென்றனா். இதனால், தேனி புதிய பேருந்து நிலையம், ரயில் நிலையம் ஆகியவற்றில் பயணிகளின் கூட்டம் அதிகமாக இருந்தது.

தேனியிலிருந்து தமிழ்நாடு அரசுப் போக்குவரத்துக்கழகம் சாா்பில்சென்னைக்கு 5, கோவைக்கு 20, திருப்பூருக்கு 10, திண்டுக்கல்லுக்கு 8 பேருந்துகள் இயக்கப்பட்டன.

தேனி ரயில் நிலையத்தில் போடிநாயக்கனூரிலிருந்து தேனி, மதுரை வழியாக சென்னை சென்ட்ரல் செல்லும் விரைவு ரயில் முன்பதிவில்லா பெட்டிகளில் பயணிக்க பயணிகள் 3 மணி நேரத்துக்கும் மேலாக காத்திருந்தனா். விடுமுறை நாள்களில் கூடுதல் ரயிலை இயக்கினால் ஏழை மக்களுக்கு பயனுள்ளதாக இருக்குமென பொதுமக்கள் தெரிவித்தனா்.