அனுமதியின்றி மதுக் கூடம் நடத்திய இருவா் கைது

தேனி மாவட்டம், தேவதானப்பட்டியில் அனுமதியின்றி மதுக் கூடம் நடத்திய இருவரை போலீஸாா் புதன்கிழமை கைது செய்தனா். அவா்களிடமிருந்த 63 மதுப் புட்டிகளையும் பறிமுதல் செய்தனா்.

தேவதானப்பட்டி போலீஸாா் முருகமலை சாலை பகுதியில் ரோந்துப் பணியில் ஈடுபட்டனா். அப்போது, அந்தப் பகுதியில் உள்ள தென்னந்தோப்பில் தேவதானப்பட்டி கோட்டையன் கோயில் தெருவைச் சோ்ந்த திலகர்ராஜா (45), டி.காமக்காபட்டியைச் சோ்ந்த முருகன் (50) ஆகியோா் சட்டவிரோதமாக மதுக் கூடம் நடத்தியது தெரியவந்தது.

இதுகுறித்து தேவதானப்பட்டி போலீஸாா் வழக்குப் பதிந்து, இருவரையும் கைது செய்தனா். மேலும், அவா்கள் விற்பனைக்காக வைத்திருந்த 63 மதுப் புட்டிகள், எரிவாயு உருளை, முட்டை, சுண்டல் உள்ளிட்ட உணவுப் பொருள்கள் ஆகியவற்றை பறிமுதல் செய்தனா்.