பெண்ணுக்கு கொலை மிரட்டல்: இருவர் மீது வழக்கு

ராஜபாளையம் அருகே செவ்வாய்க்கிழமை பெண்ணைத் தாக்கி கொலை மிரட்டல் விடுத்ததாக இருவர் மீது போலீஸார் வழக்குப் பதிவு செய்து விசாரித்து வருகின்றனர்.
ராஜபாளையம் அருகே மீனாட்சிபுரம், மாடசாமி கோயில் தெருவைச் சேர்ந்தவர் பிலோமீனா (74). கடந்த 7 மாதங்களுக்கு முன்பு இவரது தங்க சங்கிலி காணாமல் போனது குறித்து அருகில் வசித்த அன்னபாக்கியம் என்பவரிடம் செவ்வாய்க்கிழமை  கேட்டாராம். அப்போது, அவரும் அவரது கணவர் தங்கதுரை என்பவரும் சேர்ந்து தன்னை தாக்கி கொலை மிரட்டல் விடுத்ததாக பிலோமீனா தளவாய்புரம் போலீஸில் புகார் அளித்தார். இப்புகாரின்  பேரில் போலீஸார் அன்னபாக்கியம், தங்கதுரை மீது வழக்கு ப்பதிந்து விசாரித்து வருகின்றனர்.