இன்று முதல் மின் கட்டண வசூல் மையங்கள் செயல்படும்

காரைக்காலில் வெள்ளிக்கிழமை முதல் (ஏப்ரல் 24) மின் கட்டண வசூல் மையங்கள் செயல்படும் என மின்துறை தெரிவித்துள்ளது.

காரைக்கால் மின்துறை செயற்பொறியாளா் அலுவலகம் வெளியிட்ட செய்திக் குறிப்பு விவரம் :

பொதுமக்கள் மின் கட்டணம் செலுத்த ஏதுவாக, மின்துறையின் காரைக்கால் கோட்டத்திற்கு உட்பட்ட மின்துறை தலைமை அலுவலகம் (கிராம்புத்தோட்டம்), நேருநகா், கோட்டுச்சேரி, திருப்பட்டினம், திருநள்ளாறு, நெடுங்காடு ஆகிய மின் அலுவலக வசூல் மையங்களில் ஏப்ரல் 24-ஆம் தேதி முதல் அனைத்து வேலை நாள்களிலும் காலை 9 முதல் பகல் 12 மணி வரை செயல்படும்.

இட நெருக்கடி காரணமாக மற்ற வசூல் மையங்கள் ஊரடங்குத் தளா்த்தப்பட்ட பின் இயங்கும். பொதுமக்கள் தங்கள் பாதுகாப்பை உறுதிப்படுத்த முதல் வாய்ப்பாக இணையதள சேவை மூலம் மின் கட்டணத்தை செலுத்தலாம்.

ஆன்லைன் வாயிலாகவும், கைப்பேசி செயலி வாயிலாகவும் செலுத்தலாம் என அதில் கூறப்பட்டுள்ளது.