பயறு மூட்டைகள் ஏற்றிச் சென்ற லாரி பறிமுதல்

கீழ்வேளூர் அருகே உரிய சொத்து வரி ஆவணங்கள் இன்றி பயறு மூட்டைகளை ஏற்றிச் சென்ற லாரியை வருவாய்த் துறை அதிகாரிகள் வியாழக்கிழமை இரவு பறிமுதல் செய்தனர்.

நாகை ஒழுங்குமுறை விற்பனை பிரிவு அதிகாரிகள் கீழ்வேளூர் பகுதியில் சோதனைப் பணியில் ஈடுபட்டனர். அப்போது அங்கு வந்த லாரியை சோதனையிட்டதில் அதில் 198 மூட்டை பயறு மூட்டைகள் இருந்தன. அதன் மதிப்பு ரூ. 1 லட்சத்து 57 ஆயிரம் எனக் கூறப்படுகிறது. மேலும் பயறு மூட்டைகளுக்கான சொத்துவரி செலுத்தப்பட்டதற்கான ஆவணங்கள் உள்ளிட்ட எவ்வித ஆவணங்களும் ஓட்டுநரிடம் இல்லை. இதையடுத்து லாரியை அதிகாரிகள் பறிமுதல் செய்தனர்.