வேதாரண்யம் பள்ளிகளுக்கு நலத் திட்ட உதவிகள்

நாகை மாவட்டம், வேதாரண்யத்தில் மணியன்தீவு, நெய்விளக்கு அரசு உதவி பெறும் பள்ளிகளுக்கு பிரியம் அறக்கட்டளை சார்பில் நலத் திட்ட உதவிகள் புதன்கிழமை அளிக்கப்பட்டன.
மணியன்தீவு அரசு  உதவி பெறும் தொடக்கப் பள்ளியில் வேதாரண்யம் ப்ரியம் அறக்கட்டளையின் சார்பில் குழந்தைகள் பாதுகாப்பு கருத்தரங்கம் நடைபெற்றது. பின்னர், நலத் திட்ட உதவிகள் அளிக்கப்பட்டன. நிகழ்ச்சிக்கு, மாவட்ட குழந்தைகள் பாதுகாப்பு அலுவலர் சிவகுமார் தலைமை வகித்தார்.
இதேபோல், நெய்விளக்கு அரசு உதவி பெறும் தொடக்கப் பள்ளியில் குழந்தைகளின் பயன்பாட்டுக்காக குடிநீர் சுத்திகரிப்பு இயந்திரம் மற்றும் நலத் திட்ட உதவிகள் அளிக்கப்பட்டன. நிகழ்ச்சிக்கு, சுவாமி நாராயணநந்த சரஸ்வதி தலைமை வகித்தார்.
நிகழ்ச்சிகளில், உதவி தொடக்கக் கல்வி அலுவலர்கள் ராமமூர்த்தி, ராஜமாணிக்கம், ப்ரியம் அறக்கட்டளை நிறுவனர் பிரபு, பொறுப்பாளர்கள் சிவகுமார், சித்தார்த்தா, வேதவிநாயகம், தலைமையாசிரியர் சக்திதாசன் உள்ளிட்டோர் பங்கேற்றனர்.