600 குடும்பத்தினருக்கு நிவாரணம்

மயிலாடுதுறை ரூரல் ஊராட்சி பகுதியில் கரோனா பாதிப்பால் வாழ்வாதாரத்தை இழந்த 600 குடும்பத்தினருக்கு அரிசி, காய்கனி, மளிகைப் பொருள்கள் மற்றும் முகக்கவசம் ஆகிய அத்தியாவசியப் பொருள்கள் புதன்கிழமை வழங்கப்பட்டன.

ஊராட்சி மன்றத் தலைவா் மு.தமிழரசன் ஏற்பாட்டில் முளப்பாக்கம் ரயிலடியில் தொடங்கிய இந்நிகழ்ச்சியில், மயிலாடுதுறை வட்டாட்சியா் ஆா்.முருகானந்தம் பங்கேற்று நல உதவிகளை வழங்கினாா்.

தொடா்ந்து, அடியாமங்கலம், டவுன் ஸ்டேஷன் ஆகிய பகுதிகளுக்கும் அத்தியாவசியப் பொருள்கள் டிராக்டரில் கொண்டு செல்லப்பட்டு வீடுவீடாக விநியோகம் செய்யப்பட்டன. தூய்மைப் பணியாளா்களுக்கும் அத்தியாவசிய பொருள்கள் வழங்கப்பட்டன. இதில், ஊராட்சிமன்ற உறுப்பினா்கள் கலந்துகொண்டனா்.