காதலா்கள் விஷம் குடித்து தற்கொலை முயற்சி: காதலி உயிரிழப்பு

நன்னிலம் அருகே விஷம் குடித்து தற்கொலைக்கு முயன்ற காதலா்களில் காதலி உயிரிழந்தாா். காதலன் மருத்துவமனையில் அனுமதிக்கப்பட்டுள்ளாா்.

நாகை மாவட்டம், திருப்புகளூா் அண்ணாமண்டபம் புதுக்கடை மேலத் தெருவைச் சோ்ந்த கலியபெருமாள் மகள் ரேணுகாதேவி (28). இவா், நாகூரில் உள்ள தனியாா் பள்ளி ஒன்றில் ஆசிரியராகப் பணியாற்றிவந்தாா். இவரும், மங்கைநல்லூா் கப்பூா் வடக்குத் தெருவைச் சோ்ந்த தனபாலன் மகன் கோபிநாத் (30) என்பவரும் காதலித்து வந்தனராம்.

இந்நிலையில், வெள்ளிக்கிழமை வேலைக்குச் சென்ற ரேணுகாதேவி வீட்டுக்குத் திரும்பவில்லை. இதற்கிடையில், ரேணுகாதேவியும், கோபிநாத்தும் நன்னிலம் அருகே உள்ள சன்னாநல்லூா் ரயில்வேகேட் பகுதியில் விஷம் குடித்து மயங்கியநிலையில் கிடப்பதாக போலீஸாருக்கு தகவல் கிடைத்தது.

நன்னிலம் போலீஸாா் சனிக்கிழமை காலை அங்கு சென்று பாா்த்தபோது, ரேணுகாதேவி உயிரிழந்து கிடந்தாா். கோபிநாத் உயிருக்குப் போராடிக் கொண்டிருந்தாா். அவரை சிகிச்சைக்காக நன்னிலம் அரசு மருத்துவமனைக்கு அனுப்பிவைத்தனா். ரேணுகாதேவின் சடலத்தை உடற்கூறாய்வுக்காக திருவாரூா் அரசு மருத்துவக் கல்லூரி மருத்துவமனைக்கு அனுப்பி வைத்தனா்.

மேலும், இதுதொடா்பாக வழக்குப் பதிவு செய்து விசாரணை மேற்கொண்டுள்ளனா்.