சாலை விபத்தில் இளைஞர் சாவு

தெற்கு தில்லியில் உள்ள தெற்கு விரிவாக்கப்பகுதியில் இரு சக்கர வாகனத்தில் சென்றவர், பேருந்து மோதியதில் உயிரிழந்தார். 
புதன்கிழமை காலையில் நிகழ்ந்த இந்த விபத்து குறித்து போலீஸார் கூறியது: 30 வயது மதிக்கத்தக்க அந்த இளைஞர் சாலையில் இரு சக்கர வாகனத்தில் சென்று கொண்டிருந்தார். அப்போது பின்னால் வந்த பேருந்து அவரது வாகனத்தின் மீது மோதியது. இதைத் தொடர்ந்து, அவரது வாகனம் முன்னால் சென்று கொண்டிருந்த மற்றொரு பேருந்தின் மீது மோதியது. இதில் அந்த இளைஞர் பலத்த காயமடைந்து உயிரிழந்தார். இதையடுத்து, அந்தப் பேருந்து முன்னால் சென்று கொண்டிருந்த இரு சக்கர வாகனத்தில் மோதியது. இதில் இரு சக்கர வாகனத்தை ஓட்டிச் சென்றவர் காயமடைந்தார். இந்த விபத்து குறித்து போலீஸார் வழக்குப் பதிவு செய்து இரண்டு பேருந்துகளின் ஓட்டுநர்களை கைது செய்து விசாரணை நடத்தி வருகின்றனர்.