மானூரில் பெண்ணிடம் பணம் பறித்த 3 போ் கைது

மானூரில் வீட்டில் தனியாக இருந்த பெண்ணிடம் கத்தியை காட்டி மிரட்டி பணம் பறித்த 2 சிறுவா்கள் உள்பட 3 பேரை போலீஸாா் கைது செய்தனா்.

தென்காசி மாவட்டம், ஆலங்குளம் அருகே உள்ள மேலபரம்பை பகுதியைச் சோ்ந்தவா் இசக்கி மகன் காளிராஜ்(19). இவா் அப்பகுதியைச் சோ்ந்த இரு சிறுவா்களுடன் சோ்ந்து மானூா் கீழத்தெரு பகுதியில் வீட்டில் தனியாக இருந்த பெண்ணிடம் குறி சொல்வதாகக் கூறி பணம் கேட்டு மிரட்டியுள்ளாா்.

அப்பெண் பணம் தர மறுக்கவே, கத்தியைக் காட்டி மிரட்டி ரூ.3,700ஐ பறித்துச் சென்றதாகக் கூறப்படுகிறது.

இது குறித்து அவா் அளித்த புகாரின் பேரில் மானூா் போலீஸாா் வழக்குப் பதிவு செய்து விசாரணை மேற்கொண்டு, இரு சிறுவா்கள் மற்றும் காளிராஜை சனிக்கிழமை கைது செய்தனா்.