பொன்ஜெஸ்லி பொறியியல் கல்லூரியில் ஆக. 23இல் பட்டமளிப்பு விழா

நாகர்கோவில் அருகேயுள்ள பொன்ஜெஸ்லி பொறியியல் கல்லூரியின் 10ஆவது பட்டமளிப்பு விழா வியாழக்கிழமை (ஆக. 23) காலை 10 மணிக்கு நடைபெறுகிறது. 
விழாவுக்கு, கல்விக் குழுமத் தலைவர் பொன்.ராபர்ட்சிங் தலைமை வகிக்கிறார். அண்ணா பல்கலைக்கழக முன்னாள் துணை வேந்தரும், கல்லூரி ஆலோசகருமான காளியப்பன், காவல் துறை முன்னாள் ஐ.ஜி. செண்பகராமன், டாக்டர் சலீம், கல்லூரி இயக்குநர் அருள்சன் டானியல் ஆகியோர் முன்னிலை வகிக்கின்றனர். 
சிறப்பு விருந்தினராக கிம்ஸ் மருத்துவமனை தலைவர் எம்.ஐ. சகதுல்லா கலந்துகொண்டு மாணவர், மாணவிகளுக்கு பட்டங்கள் வழங்கி பேசுகிறார்.