பத்மநாபபுரத்தில் மாணவர்,  மாணவிகளுக்கு நிலவேம்புக் குடிநீர்

பத்மநாபபுரம் நகராட்சி சார்பில், டெங்கு காய்ச்சல் தடுப்பு நடவடிக்கையாக, தக்கலை அரசு நடுநிலைப் பள்ளி மாணவர், மாணவிகளுக்கு நிலவேம்புக் குடிநீர் வியாழக்கிழமை வழங்கப்பட்டது. 
நகராட்சி ஆணையர் கிருஷ்ணமூர்த்தி உத்தரவின் பேரில், நகராட்சி முழுவதும் டெங்கு தடுப்பு நடவடிக்கை மேற்கொள்ளப்பட்டு வருகிறது. அதன்படி தக்கலை அரசு நடுநிலைப் பள்ளியில் மாணவர், மாணவிகளுக்கு நிலவேம்புக் குடிநீர் வழங்கப்பட்டது. 
நிகழ்ச்சியில்,  தலைமை ஆசிரியை எம்.வி.புஷ்பலதா,  நகராட்சி சுகாதார ஆய்வாளர் வீ.முத்துராமலிங்கம், சுகாதார மேற்பார்வையாளர் மோகன் உள்ளிட்டோர் பங்கேற்றனர்.