பாகோடு திரு இருதய பள்ளியில் அறிவியல் கருத்தரங்கம்

குழித்துறை மறைமாவட்டம் பாகோடு திரு இருதய உயர்நிலைப் பள்ளியில் அறிவியல் கருத்தரங்கம் நடைபெற்றது.
பங்குத்தந்தை ஜான்சன் பிரிட்டோ தலைமை வகித்தார். தலைமை ஆசிரியை லைலாமேரி கேதரின் வரவேற்றார். சிகரம் கல்வி மைய இயக்குநர் செபாஸ்டின்  கருத்தரங்கை தொடங்கிவைத்தார். மகேந்திரகிரி இஸ்ரோ விஞ்ஞானி பென்சிகர் ராஜன், "இந்திய விண்வெளி ஆய்வு' என்ற தலைப்பில் கருத்துரை வழங்கி, பல்வேறு திறனாய்வுத் தேர்வுகளில் வெற்றிபெற்ற மாணவர்களுக்குப் பரிசுகள் வழங்கினார். மேலும், மாணவர்களின் அறிவியல் சார்ந்த பல்வேறு வினாக்களுக்கு விஞ்ஞானி விளக்கமளித்தார்.  பள்ளித் தாளாளர் இருதயதாசன் நிறைவுரையாற்றினார். அறிவியல் ஆசிரியை ஜாஸ்மின்மேரி நன்றி கூறினார்.