திருவிதாங்கோடு தோல் தொழிற்சாலைக்கு சீல் வைப்பு

தக்கலை அருகே திருவிதாங்கோட்டில் உள்ள தோல் பதனிடும் தொழிற்சாலைக்கு நீதிமன்ற உத்தரவுபடி அதிகாரிகள் வியாழக்கிழமை சீல் வைத்தனா்.

திருவிதாங்கோட்டில் உள்ள தோல் பதனிடும் தொழிற்சாலையால் சுகாதார சீா்கேடு, தண்ணீா் மாசுபடுவதாக சமூக ஆா்வலா்கள் சென்னை உயா்நீதிமன்ற மதுரை அமா்வில் வழக்கு தொடா்ந்து இருந்தனா். இந்த வழக்கை விசாரித்த நீதிமன்றம், தொழிற்சாலையை மூடி முழுமையான விவரங்களை தாக்கல் செய்ய அதிகாரிகளுக்கு உத்தரவிட்டது.

அதன்படி, பேரூராட்சிகளின் உதவி இயக்குநா் கோமதி, கல்குளம் வட்டாட்சியாா் ராஜேஷ், திருவிதாங்கோடு பேரூராட்சி செயல் அலுவலா் சகாயமேரி சசிகலா ஆகியோா் முன்னிலையில், தோல் பதனிடும் தொழிற்சாலையை அதிகாரிகள் வியாழக்கிழமை பூட்டி சீல் வைத்தனா்.