நாகா்கோவிலில் ரயில்வே ஊழியா் வீட்டில் 13.5 பவுன் நகைகள் திருட்டு

நாகா்கோவிலில் ரயில்வே ஊழியா் வீட்டில் 13.5 பவுன் நகைகளைத் திருடிச் சென்றவா்கள் குறித்து போலீஸாா் விசாரித்து வருகின்றனா்.

விருதுநகா் மாவட்டம், சாத்தூா், வாழவந்தான்புரத்தைச் சோ்ந்த ரயில்வே ஊழியா் பாலுசாமி (45). இவரது மனைவி மேனகா (43). இவா்கள் நாகா்கோவில் கோட்டாறு ரயில்வே குடியிருப்பில் வசித்து வருகின்றனா். பாலுசாமி புதன்கிழமை வேலைக்குச் சென்ற நிலையில், மேனகா வீட்டைப் பூட்டிவிட்டு வடிவீஸ்வரம் அரசு ஆரம்ப சுகாதார நிலையத்துக்குச் சென்றுவிட்டு வீடு திரும்பினாா். அப்போது, மா்ம நபா்கள் கதவைத் திறந்து வீடு புகுந்து, பீரோவை உடைத்து அதிலிருந்த 13.5 பவுன் நகைகள், ரூ. 2,500 ரொக்கம் உள்ளிட்டவற்றைத் திருடிச் சென்ாகத் தெரியவந்ததாம்.

இதுகுறித்து கோட்டாறு போலீஸாா் வழக்குப் பதிந்து, சிசிடிவி பதிவுகளைக் கைப்பற்றி விசாரணை நடத்தி வருகின்றனா்.

வெள்ளி சிலை திருட்டு: நாகா்கோவில் அன்புநகரில் புதன்கிழமை ஒரு பெண் வீட்டில் தனியாக இருந்தாராம். அப்போது, சாமியாா்போல வேடமணிந்து வந்த 3 போ், தாங்கள் கோயிலிலிருந்து வருவதாகக் கூறி, ‘உங்கள் வீட்டில் தீய சக்தி உள்ளது. அதைப்போக்க மஞ்சள் தண்ணீா் கொண்டு வாருங்கள்’ என்றனராம். அந்தப் பெண் கொண்டுவந்த தண்ணீரை அவா் மீது ஊற்றி, மயக்கப் பொடியைத் தெளித்தனராம். அவா் மயங்கி விழுந்ததும், அவா்கள் அந்த வீட்டிலிருந்த வெள்ளியாலான சாமி சிலையைத் திருடிக்கொண்டு தப்பியோடினராம்.

புகாரின்பேரில், கோட்டாறு போலீஸாா் வழக்குப் பதிந்து, சிசிடிவி பதிவுகளின் அடிப்படையில் விசாரித்து வருகின்றனா்.

ஆட்டோவில் திருட்டு: கருங்கல் பகுதியைச் சோ்ந்தவா் தவசிமணி (48). ஓட்டுநரான இவா், ஆசாரிப்பள்ளம் அரசு மருத்துவக் கல்லூரி மருத்துவமனைக்கு ஆட்டோவில் வந்தாா். அதிலுள்ள பெட்டியில் ரூ. 84 ஆயிரத்தை வைத்து பூட்டிவிட்டு, மருத்துவமனையில் அனுமதிக்கப்பட்டுள்ள தனது சித்தியைப் பாா்க்கச் சென்றாா். திரும்பிவந்தபோது, மா்ம நபா்கள் அந்தப் பெட்டியை உடைத்து பணத்தைத் திருடிச் சென்ாகத் தெரியவந்ததாம். புகாரின்பேரில், ஆசாரிப்பள்ளம் போலீஸாா் வழக்குப் பதிந்து விசாரித்து வருகின்றனா்.