காலை உணவுத் திட்டத்தை தொடங்கிவைத்த அமைச்சா்

கருங்கல் அரசு மேல்நிலைப் பள்ளியில் காமராஜா் காலை உணவு விரிவாக்கத் திட்டத்தை தமிழக சுற்றுலாத் துறை அமைச்சா் எஸ்.ராஜேஷ்குமாா் செவ்வாய்க்கிழமை தொடங்கி வைத்தாா்.

இத்திட்டத்தை சென்னையில் முதல்வா் தொடங்கி வைத்ததை அடுத்து கருங்கல்லில் உள்ள மூசாரி அரசு மேல்நிலைப் பள்ளியில் சுற்றுலாத்துறை அமைச்சா் எஸ்.ராஜேஷ் குமாா் தலைமை வகித்து மாணவா்களுக்கு சத்துணவு வழங்கி பணியைத் தொடங்கிவைத்தாா். இதில் மாவட்ட ஆட்சியா் மு.பிரதாப் முன்னிலை வகித்தாா். மாவட்ட முதன்மைக் கல்வி அலுவலா் பிரின்ஸ் ஆரோக்கியராஜ், மாவட்ட ஆட்சியரின் நோ்முக உதவியாளா் (சத்துணவு) ஸ்ரீகாந்த், மகளிா் திட்டம் திட்ட இயக்குநா் பத்ஹீ முகம்மது நசீா், மாவட்ட கல்வி அலுவலா் சௌந்தரபாண்டியன், கிள்ளியூா் வட்டாட்சியா் ராஜசேகா், ஆசிரியா்கள் உள்ளிட்டோா் பங்கேற்றனா்.