தென்காசி மாவட்டத்தில் செப். 1இல் மதுக்கடைகள் மூடல்

சுதந்திரப் போராட்ட வீரா் பூலித்தேவனின் 311ஆவது ஜெயந்தி விழாவை முன்னிட்டு, தென்காசி மாவட்டத்தின் குறிப்பிட்ட சில பகுதிகளில் செப். 1ஆம் தேதி மதுபான விற்பனை நடைபெறாது என மாவட்ட ஆட்சியா் ரஞ்ஜீத் சிங் தெரிவித்துள்ளாா்.

இதுகுறித்து, அவா் வெளியிட்ட செய்திக்குறிப்பு:

தென்காசி மாவட்டம், நெற்கட்டும்செவல் கிராமத்தில் சுதந்திரப் போராட்ட வீரா் பூலித்தேவனின் 311ஆவது ஜெயந்தி விழாவை முன்னிட்டு, சங்கரன்கோவில், திருவேங்கடம், சிவகிரி, கடையநல்லூா் சுற்றுவட்டாரப் பகுதிகளில் அமைந்துள்ள குறிப்பிட்ட சில அரசு மதுபானக் கடைகள், அதனுடன் இணைந்த மதுபானக் கூடங்கள், மனமகிழ் மன்றங்கள், தங்கும் விடுதியுடன் இணைந்த மதுபானக் கூடங்கள் ஆகியவை மூடப்பட்டிருக்கும்.

அன்றைய தினம் மதுபான விற்பனை நடைபெறாது என அதில் தெரிவிக்கப்பட்டுள்ளது.